ബെംഗളൂരു: സുവർണ കർണാടക കേരള സമാജം അവലഹള്ളി സോണിന്റെ ആഭിമുഖ്യത്തിൽ അന്താരാഷ്ട്ര വനിതാദിനം ആഘോഷിച്ചു. സമാജത്തിലെ വനിതകളുടെ കരുത്തും സമൂഹത്തിന് അവർ നൽകുന്ന സംഭാവനകളും ആദരിക്കുന്നതിനായി സംഘടിപ്പിച്ച ചടങ്ങിൽ നിരവധി അംഗങ്ങൾ പങ്കെടുത്തു.
സൗഹൃദം പങ്കുവെച്ചും കേക്ക് മുറിച്ചും നടന്ന ആഘോഷം എല്ലാവർക്കും മനോഹരമായ അനുഭവമായി. സോൺ ചെയർപേഴ്സൺ ഷീബ ഷാജി, സോൺ കൺവീനർ ബിപിൻ വി.കെ, ഫിനാൻസ് കൺവീനർ ആൻസൺ എന്നിവർ പരിപാടികൾക്ക് നേതൃത്വം നൽകി.
വൈസ് ചെയർമാൻമാരായ സജീഷ്, സിൽബി ആന്റണി, ബോർഡ് അംഗങ്ങളായ ഷാജി വി.കെ, മുരളി എം. തുടങ്ങിയവരും ആഘോഷങ്ങളിൽ പങ്കെടുത്തു. വനിതകളുടെ ശാക്തീകരണവും ഒത്തൊരുമയും ലക്ഷ്യമിട്ടുള്ള പ്രവർത്തനങ്ങളുമായി സമാജം മുന്നോട്ട് പോകുമെന്ന് ഭാരവാഹികൾ അറിയിച്ചു.
